Make My Essay

Блогоо сэргээж байна

2010-06-29T20:52:00.000-07:00

Greetings,.

Жил хагас шахуй блогоо хөтөлсөнгүй. Одооноос хэд гурван юм бичиж байядаа.

Best Regards,.

What happened my Web Browser

2009-02-12T03:21:00.000-08:00

За сайн байцгаана уу? Муу "блог"-оо тордолгүй бараг хагас жил болждээ. Хэд гурван юм бичмээр санагдав. Сайндаа ч бишлдээ нэг пакт гаргачаад л. Өнөөдөр JavaScript-ээр алдаатай код бичээд ажилуулаад FireFox3-aa гацаагаад хаячлаа. Тэгээд л kill команд ажиллуулаад дахиад ff3-аа ажилуултал зураг дээрх дээд талын улаанаар хүрээлцэн хэсэг маань ажиллахаа больчдог юм байна. Яагаад ч болдоггүйдээ устгаад дахиад суулгаад ч ер зүгээр болохгүй байна. Ядаж байхад Ubuntu дээр олигтой Веб Броузер байдаггүй. Гайхаж гайхаж учраа олдоггүйээ. Одоо яах вэ? Мэддэг хүн амьтан байвал туслаарай.

Kobe To Barcelona

2008-10-23T18:53:00.000-07:00

Сүүлийн үед спортын том одод дэлхийн алдартай хөлбөмбөгийн багт орохыг хүсэх болжээ. Саяхан олимпийн дараа Дэлхийн хамгийн хурдан хүн Усайн Болт Реал Мадрид багт элсэж тоглох хүсэлтэй байгаага илэрхийлж Реалынхантай 7 хоног бэлтгэл цуг хийсэн бол NBA ийн супер од Kobe Bryant Испаний Барсад орох хүсэлтэй гэдгээ бас нуусангүй. 18 настай байхаасаа Лос Анжелест тоглож байгаа бөгөөд 2 жилийн дараа түүний гэрээ дуусах юм байна. Манай хүн гэрээ дууссаны дараа сагсан бөмбөгийн замналаа орхиж магадгүй байгаа бөгөөд хэрэв тэгэхээр бол Барсад очиж хөлбөмбөг тоглоно гэж хэлсэн байна. Хэрэв тэр Барсад очихоор бол түүнд багийн анд Барселоны баавгай хочит Pau Casol туслах юм байна. Манай хүн Сагс тоглодог шигээ өшиглөдөг болч бужигнуулнадаа :D

Дэлхийн шигшээ

2008-10-21T07:40:00.000-07:00

Саяхан FIFA аас 2007-2008 оны дэлхийн шилдэг 55 тоглогчийг шалгаруулсан байна. Нийт 45 сая хүнийн саналыг харьцуулж гаргасан энэ судалгааг Испанийн шигшээ болон Барселона багууд тэргүүлсэн байна. Хувь тоглогчоос Cristiano Ronaldo тэргүүлсэн бол Steven Gerrard, Fernando Torres гэсэн Ливерпүүлийн хослол удаалжээ. Одоо энэ 55 тоглогчоос шилдэг 11 шалгаруулах бөгөөд 12 сарын сүүлчээр хариу нь гарна гэнэ. Барса 10, Челси 8, Манчестер Юнайтэд 7, Реал Мадрид 6, Милан 5, Бавариа 4, Арсенал болон Ливерпүүлээс 3, Интерээс 2 тоглогч шилдэг 55 тоглогчид багтсан байна.

Хаалгач: Artur Boruc (Poland/ Celtic), Gianluigi Buffon (Italy/ Juventus), Iker Casillas (Spain/ Real Madrid), Petr Cech (Czech Republic/ Chelsea), Edwin van der Sar (Holland/ Manchester United)

Хамгаалагч: Daniel Alves (Brazil/ Sevilla), Jose Bosingwa (Portugal/ FC Porto), Fabio Cannavaro (Italy/ Real Madrid), Ricardo Carvialho (Portugal/ Chelsea), Gael Clichy (France, Arsenal), Ashley Cole (England/ Chelsea), Patrice Evra (France/ Manchester United), Rio Ferdinand (England/ Manchester United), Philipp Lahm (Germany/ Bayern Munich), Ferreira Lucio (Brazil/Bayern Munich), Paolo Maldini (Italy/ AC Milan), Alessandro Nesta (Italy/ AC Milan), Keipler Laveran Lima Ferreira ‘Pepe’ (Portugal/ Real Madrid), Carles Puyol (Spain/ Barcelona), Sergio Ramos (Spain/ Real Madrid), John Terry (England/ Chelsea), Nemanja Vidic (Serbia/ Manchester United), Gianluca Zambrotta (Italy/ Barcelona), Javier Zanetti (Argentina/ Inter), Yuri Zhirkov (Russia/ CSKA Moscow).

Хагас хамгаалагч: Anderson Deco (Portugal/ Barcelona), Michael Ballack (Germany/ Chelsea), Mickael Essien (Ghana/ Chelsea), Gennaro Gattuso (Italy/ AC Milan), Cesc Fabregas (Spain/ Arsenal), Steven Gerrard (England/ Liverpool), Andres Iniesta (Spain/ Barcelona), Ricardo Kaka (Brazil/ AC Milan), Frank Lampard (England/ Chelsea), Javier Mascherano (Argentina/ Liverpool), Andrea Pirlo (Italy/ AC Milan), Franck Ribery (France/ Bayern Munich), Marcos Senna (Spain/ Villareal), Wesley Sneijder (Holland/ Real Madrid), Xavi (Spain/ Barcelona).

Довтлогч: Andrei Arshavin (Russia/ Zenit St Petersburg), Dimitar Berbatov (Bulgaria/ Tottenham Hotspur), Didier Drogba (Ivory Coast/ Chelsea), Samuel Eto’o (Cameroon/ Barcelona), Thierry Henry (France/ Barcelona), Zlatan Ibrahimovic (Sweden/ Inter), Lionel Messi (Argentina/ Barcelona), Ruud van Nistelrooy (Holland/ Real Madrid), Ronaldinho (Brazil/ Barcelona), Cristiano Ronaldo (Portugal/ Manchester United), Wayne Rooney (England/ Manchester United), Carlos Tévez (Argentina/ Manchester United), Luca Toni (Italy/ Bayern Munich), Fernando Torres (Spain/ Liverpool), David Villa (Spain/ Valencia).

Гадаадын сувгуудыг шууд үзэх

2008-10-18T00:44:00.000-07:00

Гадаадад гарч байгаа Спорт,урлагийн бүх тоглолтуудыг шууд үзэх веб оллоо. Одоо ч сайхан Хөлбөмбөгөө үзээд байждээ. Justin.tv

Монголын хамгийн түгээмэл нэр.

2008-10-13T02:21:00.000-07:00

Нэг ийм юм олддог юм байна. Миний нэр ч ховор юм шиг байнаа. Харин таны нэр энэ дунд байна уу?


Оюунчимэг        13,198.00
Алтанцэцэг       13,170.00
Энхтуяа          11,994.00
Батбаяр          11,498.00
Эрдэнэчимэг      11,374.00
Болормаа         11,144.00
Ганболд          11,083.00
Отгонбаяр        11,080.00
Батэрдэнэ        10,862.00
Наранцэцэг       10,805.00
Лхагвасүрэн      10,611.00
Оюунцэцэг        10,466.00
Ганбаатар        10,359.00
Баярсайхан       10,181.00
Нарантуяа        9,877.00
Ганзориг         9,726.00
Батжаргал        9,443.00
Нэргүй           9,443.00
Энхжаргал        9,426.00
Батсайхан        9,059.00
.
.
.
Буянбат         < 100

Эх сурвалж zarmedee.mn

Гайхамшигт Линукс

2008-10-10T21:28:00.000-07:00

Би Линуксийг хэрэглээд яг нэг жил болж байна. Энэ хугацаанд түүний гайхамшигуудыг их амслаа. Апликейшн суулгахад тун амар мөн архив сайт нь монголд байдаг болохоор ямар нэгэн юм татахад маш хурдан гээд л олон давуу талуудтай. Саяхан бас нэг юм мэдэж авлаа. Юу гэвэл Линукс маань өөрөө өөрийгөө шинэчилж сайжруулах чадвартай юм байналээ. Үнэхээр сүпер. Өөр ямар ч үйлдлийн систем ингэж чадахгүй байхаа. Би бүтэн нэг жил Ubuntu 7.10 г хэрэглэж байсан. Гэтэл одоо Ubuntu хөгжүүлэлт 8.04 дээр явж байгаа. Тэгээд яаж сайжруулах талаар судалтал маш энгийн ердөө sudo apt-get upgrade гээд л болоо гэдгийг олж мэдлээ. Миний файл сангийн бүх зүйл яг хуучин байснаараа юу ч устаж алга болоогүй байсан. Харин Ubuntu version маань 8.04 болсон. Ямар ч байсан надад энэ нь маш их таалагдсан. Харин Fedora ингэх боломжгүй юм шиг байналээ. За танд амжилт хүсье.

SVN суулгах тухай

2008-10-07T20:41:00.000-07:00

Саяхнаас ангийн хүүхдийн хамт юм хийх санаатай ажил эхлүүллээ. Тэгээд өөрийн компьютер дээр svn үүсгэж кодоо зохицуулах гэсэн чинь үнэхээр хэцүү ажил байдаг юм байна. Бөөн юм болж байж нэг юм суулгаж авлаа. Ер нь Монгол хэл дээр svn суулгах талаар заавар гэхээр юм бараг байдаггүй юм байналээ. Тэгээд өөрийн сурсан зүйлээсээ бага ч гэсэн хуваалцъя гэж бодлоо. Гэхдээ энэ зөвхөн Линукс Убунту орчинд л ашиглах заавар шүү. Бас яг ч албан ёсных биш зүгээр өөрийн хэрхэн суулгасан тухай шүү.


1. Мэдээж subversion,apache2 суулгана
   sudo apt-get install apache2
   sudo apt-get install subversion libapache2-svn libapache-mod-dav apache2

2.SSL идэвижүүлнэ:
   sudo a2enmod ssl
   sudo sh -c "echo 'Listen 443' >> /etc/apache2/ports.conf"

3. Эрхээ үүсгэнэ:
    sudo apt-get install ssl-cert
    sudo mkdir /etc/apache2/ssl
    sudo /usr/sbin/make-ssl-cert /usr/share/ssl-cert/ssleay.cnf /etc/apache2/ssl/apache.pem

4. Virtual Host үүсгэнэ:
   sudo cp /etc/apache2/sites-available/default /etc/apache2/sites-available/svn
   svn гэсэн сайт үүсэх болно. Доор командаар Virtual Host-ийг засварлана
   sudo vim /etc/apache2/sites-available/svn
   Энэ хэсгийг өөрчилнө.
     NameVirtualHost *:443
     VirtualHost *:443
   ServerAdmin webmaster@localhost
   Энэ хэсгийн доор доорх кодыг нэмнэ
     SSLEngine on
     SSLCertificateFile /etc/apache2/ssl/apache.pem
     SSLProtocol all
     SSLCipherSuite HIGH:MEDIUM

5. Сайтаа идэвхижүүлнэ:
   sudo a2ensite svn
   sudo /etc/init.d/apache2 restart


6. Сан үүсгэнэ:
   Доорх үйлдлийг олон дахийн хийж болох ба test гэсний оронд өөрийн үүсгэх сангийн нэрийг оруулж болно
   sudo mkdir /var/svn
   sudo svnadmin create /var/svn/test
   sudo chown -R www-data:www-data /var/svn/test
   sudo chmod -R g+ws /var/svn/test

7. Хандах эрх үүсгэнэ:
   buyanbat гэсний оронд өөрийн нэрийг оруулж болно
   sudo htpasswd -c -m /etc/apache2/dav_svn.passwd buyanbat

8. SVN болон WebDav-ын тохиргоог идэвхижүүлнэ:
/etc/apache2/mods-available/dav_svn.conf энэ файлд доорх кодыг нэмнэ
      DAV svn
   SVNParentPath /var/svn
   AuthType Basic
   AuthName "Subversion Repository"
   AuthUserFile /etc/apache2/dav_svn.passwd
   Require valid-user
   SSLRequireSSL

9. Төгсгөл: 
  sudo /etc/init.d/apache2 restart
  Ингээд л SVN ашиглалтанд орлоо.

10.Шалгаж үзвэл
   Санд дир үүсгэх 
   svn import --username buyanbat https://localhost/svn/test/testdir -m “Testing”
   Сангаас авах
   svn co --username buyanbat https://localhost/svn/$REPOS
   Санлуу өөрчилсөн болон нэмсэн кодоо явуулах
   svn add test.c
   svn ci -m "Болж байна шүү"

За танд амжилт хүсье.

Дэлхийн №1 хаалгач

2008-10-01T18:10:00.000-07:00

Саяхан GOAL.com-оос өнөө цагийн дэлхийн №1 хаалгачийг тодруулах санал асуулга 5 сая хөлбөмөгийн хорхойтнуудын дунд явуулжээ. Тэдэнд 5 сая хүн цуглуулахад хагас өдөр л хэрэгтэй байжээ. Үндсэн 8 хаалгачийн дундаас шалгаруулсан бөгөөд Италийн шигшээ болон Ювентус багийн хаалгач GG.Buffon, Испаний шигшээ болон эзэн хааны Реал Мадрид багийн хаалгач энэ жилийн дэлхийн шилдэг хөлбөмбөгчингийн төлөө өрсөлдөж байгаа Iker Cassilas хоёр тэнцүү санал авсан байна. Тэдний араас Чехийн шигшээ болон Челси багийн хаалгач Petr Cech орсон бол тэдний араас Ливерпүүлийн Pepe Reina, Манчестерийн Edwin Van Der Sar зэрэг хаалгачид оржээ. Миний хувьд бол Iker Cassilas-т саналаа өгсөн. Харин та аль нь илүү гэж бодож байна?

Эх сурвалж GOAL.com
1-2	Iker Cassilas(Real Madrid)	29%
1-2	GG.Buffon(Juventus)	29%
3	Petr Cech(Chelsea)	13%
4	Pepe Reina(Liverpool)	11%
5	Julio Cesar(Inter Milan)	8%
6	Edwin Van Der Sar(Man-United)	6%
7	Sebastien Frey(Fiorentina)	2%
8	Georgy Coupet(Atlectio Madrid)	1%

Монголын гар утас хэрэглэгчид

2008-09-28T23:55:00.000-07:00

Гар утас анх монголд орж ирээд арав гаруй жил өнгөрсөн байна. Хамгийн анх Мобиком гэгч зүйл 1996 онд GSM сүлжээг анх нэвтрүүлснээр бид гар утастай танилцацгаасан.Тэр үед гар утас авчих чадалтай хүн тун ховор мөн гар утас болоод ярианы тариф нь тэнгэрт тулсан өндөр байсан. Улмаар 1999 онд Скайтел CDMA-г монголд нэвтрүүлснээр энэ салбарт өрсөлдөөн гэгч зүйл бий болж үнэ нь багасч хэрэглэгчид арай ойр болсноор жинхэнэ утгаараа хөгжиж эхэлсэндээ. Түүнээс хойш 2006 онд ЮниТел 2007 онд Ж-Мобайл гээд компаниуд байгуулагдаж үнийн тарифыг улам багасгасан. Монголд өдөр сар жилээр юмны үнэ өсөж байхад гар утасны үнэ л буураад байдаг нь бас баярлууштай. 12 жилийн дотор манай нийт хүн амын 3 хүн тутмын 1 буюу 739200 хүн гар утастай байна гэсэн судалгаа ч саяхан гарсан байна. Даан харамсалтай нь дээрх сервисүүдийн хэрэглэгчидийн статиск-ийн талаар огтхон ч мэдээ байдаггүй бололтой.(Хэхэ хэрэв байдаг бол надад хэлж өгч туслаарай) Энэ мэдээг сар сар жил жилд нь гаргаад байвал зүгээр байх л даа. Миний хувьд бол гар утсыг байнга хэрэглэдэг.(Samsung+Мобиком) Харин монголчууд алийг нь илүү хэрэглэж байгаан болоо? Мэдэх юмсан....

Browser Wars

2008-09-26T02:07:00.000-07:00

Интернэтийн хэрэглээ ихсэж дэлхий даяар 3 тэрбум гаруй хүн үүнийг ашиглах болжээ. Гэтэл биднийг холбож өгдөг интернэт броузерүүдийн хооронд аль хэдийнээ дайн дэгдээд эхэлсэн байгаа гэнэ. Internet Explorer,Mozilla Firefox,Opera,Safari гээд л бие биенээсээ илүү гаргахын төлөө үргэлж сайжруулалт хийж тэмцэлдэж байтаг. Харин саяхан бас Сhrome гээд Google-ээс гаргасан нэгэн бүтээл бас л хүч түрэн орж ирсэн. Ингээд л энэ дайн улам ширүүсэх нь тэр. Тэгвэл хэрэглэгчид эдгээрээс алийг нь илүү хэрэглэж байгааг сонирохвол.

2008 оны 9 сарын байдлаар
IE 6.0 , 7.0	1577345678 хэрэглэгч	50.5%
Mozilla Firefox	1364950616 хэрэглэгч	43.7%
Opera	65592592 хэрэглэгч	2.1%
Safari	81209876 хэрэглэгч	2.6%
Chrome	31434568 хэрэглэгч	1.0%

Кодер.мн

2008-09-23T20:08:00.000-07:00

Програмчлал сонирхогч оюутан залуус та бүхнийг Кодер.мн сайтад зочилж програмчиллын төрөл бүрийн бодлогуудыг бодон тэмцээнд оролцохыг урьж байна. Тус сайтанд зөвхөн бодлогууд байхаас гадна хичээл,курсууд байнга явагдаж байдаг тул та бүхний заавал орох сайт шүү. Мөн санал хүсэлтээ чөлөөтэй илэрхийлэх нөхцөлөөр бүрэн хангасан тул та өөрийн чадахгүй байгаа зүйлээ бусдаас асууж лавлан мэдлэгээ дээшлүүлэх боломжтой. Одоогийн байдлаар манайд монголын мянга гаруй програмистууд элссэн бөгөөд 18 төрлийн 200 гаруй бодлогуудыг бодоод байна. Цаашдаа өндөр шагналтай олон сонирхолтой уралдаан тэмээнүүд явагдах болно. Хэрэв та бидэнтэй нэгдэхийг хүсвэл энд дарж бүртгүүлж болно.

Дараагийн КАКА

2008-09-22T01:49:00.000-07:00

Хөлбөмбөгийн талаар дахиад нэг бяцхан бичлэг оруулчихъя. Миний хувьд анх яг 10-н жилийн өмнө Ronaldo гэдэг хүнийг харж хөлбөмбөгт дуртай болж билээ. Тэгээд л тэр мөчөөс хойш тэмцээн бүрийг алгасалгүй үздэг болсондоо. Өнгөрсөн жилийн хувьд Кака дэлхийн шилдэг хөлбөмбөгчин болж өөрийгөө хэн гэдгээ бүрэн харуулж чадсан. Түүнтэй өрсөлдөхөөр хэн ч байгаагүйдээ. Даан ч мань эр маань тэр цолоо хамгаалж чадсангүйдээ. Багийн амжилт тааруухан болж бэртэл гэмтэлд дайруулснаар азгүйтэл нь эхэлсэн. Харин энэ жилийн хувьд хэн Дэлхийн шилдэг болох нь таавар мэт байна. Боломжит дөрвөн хувилбар л байна. Энэ дөрвийн нэг л энэ алдрыг хүртэх нь ойлгомжтой байх. Чухам хэн нь бол.

1. Cristiano Ronaldo. Мэдээж хамгийн боломжит хувилбар. Ногоон талбайд бүжиг хийсэн гэхэд болно. Man-United ийг Аваргуудын лиг болон Английн PremierLeague ийн цомыг хүртэхэд хамгийн гол үүрэг гүйцэтгэсэн. Харамсалтай нь гол тэмцээн болох EURO2008 д тааруухан тоглож титэм зүүх магадлалаа багасгасандаа.
2. Iker Cassilas. Одоо Чех,Буффон биш зөвхөн Кассилас гэж ярих болжээ. Real Madrid клубийг Испаний аварга болгосон тэрээр EURO2008 ийн гол сенсацуудын нэг. Буффоныг ялж багаа аварга болгосон тэрээр бүх тэмцээний турш 5 тоглолтонд 2хон бөмбөг алдсан нь гайхалтай. Ер нь бол UEFA ийн хандлага энэ хүн дээр л байгаа.
3. Fernando Torres. Ливерпүүл дэх гайхалтай улирал.Premierleague ийн бүх цаг үеийн хамгийн шилдэг дебют улирлын амжилтыг эвдсэн түүнд аваргуудын лигт түрүүлэхэд жаахан л аз дутсан. Гэхдээ EURO2008 ийн гол баатар. Алтан гоолын эзэн алтан жаалдаа.
4. Leonal Messi. Barca-д төдийлөн амжилт гаргаагүй ч Олимпийн тоглолтын дараа түүний рейтинг огцом өссөн. Ronaldinho-гоо ялж олимпийн алтан медалийн эзэн болсон энэ хүү ч бас магадлал өндөр шүү.

За нэг ийм дөрвөн хүний нэг л титэмийг зүүх байхдаа. Та бүхэн коммент үлдээж хэн болох тухай саналаа хэлцгээгээрэй.

Гар утасаар яаж яридаг юм болоо?

2008-09-18T17:37:00.001-07:00

Та бид өдөр, цаг, минут бүрд л утсаар ярьж байдаг. Гэхдээ үүний цаана юу ажиллаж ямар процес явагдаж байгааг сайн мэдэх билүү? Тэгвэл үүнийг мэдэхийн төлөө хамтдаа урагшаа.

Yүрэн телефоны сvлжээнд мэдээлэл дамжуулахад 3 янзын технологийг хэрэглэдэг.

* Давтамжаар хуваан олон хэрэглэгч оруулах арга (Frequency Division Multiple Access-FDMA)
* Цагаар хуваан олон хэрэглэгч оруулах арга (Time Division Multiple Access - TDMA)
* Кодоор хуваан олон хэрэглэгч оруулах арга (Code Division Multiple Access - CDMA)

FDMA нь дуудлага бүрийг өөр өөр давтамжин дээр тавьж өгдөг. Энэ ерөөсөө FM радионы станцын суваг л гэсэн үг. Дуудлага болгон өөр өөр давтамжин дээр байрлана. Энэ технологи нь голдуу аналоги дохио дамжуулалтанд хэрэглэгддэг. Хэдийгээр тоон дохиог дамжуулах боломжтой ч гэсэн төдийлөн тохиромжтой арга биш гэж үздэг.

TDMA нь дуудлага болгоныг зохих давтамжны тодорхой хэсэг хугацаанд нь хувиарлаж өгдөг. Нэг эгшинд гурван өөр хэрэглэгчийн яриаг уг сувагийн нэг эгшинд хувааж дамжуулна. Тоон дохиог шахсаны үр дүнд ийм боломжтой болдог. Иймээс TDMA нь аналоги системээс 3 дахин их багтаамжтай байдаг байна. GSM нь TDMA болон FDMA-г зэрэг хэрэглэдэг гэж үзэж болох бөгөөд Европ болон Азид 900 МегаГерц (890MHz-960MHZ), АНУ-д 1900 МегаГерцийн давтамжинд ажилладаг.

CDMA нь дуудлага болгонд тусгай код өгөөд тухайн эгшинд аль боломжтой байгаа давтамжаар нь дамжуулдаг.

GSM-д хүний яриаг 20 миллисекунд тутамд загварчилж авч, нэг загвар тус бvр нь 260 бит хэмжээтэй байна. Энэ нь 13 кб/сек хурдтай байна гэсэн үг.

Мөн GSM-н хувьд бас нэгэн ялгаа нь гэвэл хэрглэгчийн ярианд "нууцлал"-г хэрэглэдэг.

GSM сүлжээ

2008-09-18T17:37:00.000-07:00

Олон мянган хүний ажил амьдралд нь чухал туслагч анд нөхөр Гар утас гэж юу билээ? Энэхүү GSM, PCS, CDMA, TDMA гэж юуг хэлээд байна аа? Хүн төрөлхтөний хөгжилийн хурдацыг харуулах энэхүү ачтай тустай эдийн талаар нэлээн дорвитойхон мэдлэгтэй болохыг хүсэж байна уу? Тэгвэл хамтдаа урагшлая!

1980-аад оны эхээр Европт аналоги үүрэн телефоны сүлжээ нэлээн хурдацтайгаар хөгжиж ялангуяа Скандинавийн хойг, Англид хүчтэй дэлгэрч, мөн Франц, Германд хэрэглэгдэж байлаа. Улс болгоны сүлжээ нь хоорондоо таардаггүй, зөвхөн тухайн улс дотороо л хэрэглэх боломжтой байсан нь нэгдсэн нэг гүрэн болж байгаа Европын хувьд хүндрэлтэй асуудал болж байлаа. Ийм төрлийн үйлчилгээ явуулдаг компаниудын хувьд ч энэ нь хязгаарлагдмал зах зээлтэй, бизнесийн хувьд төдийлэн тааламжтай биш байжээ.

Европчууд үүнийг нэлээн эртнээс анзаарч 1982 онд Европын Шуудан Телеграфын Байгууллагын Хуралдаанаар (CEPT) энэ асуудлыг хэлэлцэж, "Groupe Special Mobile" (GSM) хэмээх нэртэй судалгааны хэсэгийг байгуулж Европ даяар хэрэглэгдэх нийтийн хөдөлгөөнт холбооны сүлжээг байгуулах үүрэг өгчээ. Yүнд дараах шаардлагуудыг тавьж байжээ:

- хэрэглэгчийн яриаг дамжуулах өндөр чанар
- үйлчилгээний үнийг маш хямд байлгах
- олон улс хоорондын дамжуулан ярих (roaming) боломжтой байх
- энэ сүлжээнд хэрэглэгдэх гар утаснуудыг алганд багтахуйц хэмжээтэй байлгах
- ISDN-нд тохиромжтой байх

1989 оноос энэ ажлыг Европын Цахилгаан холбооны Стандартын Институт (ETSI) үргэлжлvvлэн гүйцэтгэж, 1990 онд анхны GSM-г үүсгэжээ. Харин нийтийн үйлчилгээ нь 1991 оны дундуур эхэлж, 1993 он гэхэд 36 GSM сүлжээг 22 улс оронд хэрэглэж, мөн бусад 25 оронд GSM сүлжээг хэрэглэхээр сонгох буюу сүлжээгээ байгуулж эхлээд байжээ. Эдгээр нь зөвхөн Европын улсууд ч биш - Өмнөд Африк, Австрали, Азийн олон улсууд GSM-г өөрсдийн стандарт сүлжээгээр сонгоод байжээ. 1994 оны эхэн гэхэд GSM нь дэлхий даяар 1.3 сая хэрэглэгчтэй болжээ. Мөн GSM-н энэхүү нэрний товчлол нь "Global System for Mobile" болж хувирчээ.

Анх GSM-г зохиож байсан хүмүүс тухайн үедээ төдийлөн хөгжөөгүй байсан тоон технологийг (АНУ-н AMPS, Английн TACS гах мэт аналоги сүлжээний эсрэг сөргүүлэн тавьж) хэрэглэхээр сонгосон нь энэ их амжилтын гол үндэс нь болжээ. Тэд тоон дохиог шахах алгоритмд асар их найдлага тавьж, үүнийг хөгжүүлсэнээрээ GSM сүлжээг шат дараалуулан зогсолтгүй хөгжүүлж үйлчилгээний үнийг бууруулж болно гэж үзэж байжээ.

Гар утас гэж юу вэ?

2008-09-16T20:25:00.000-07:00

Гар утас бол та бидний өдөр тутмын нэн чухал хэрэглээ. Гэхдээ гар утасны бүтэц болон тэдгээрийг хэрхэн ажилладаг талаар мэдлэг тун хомс. Гар утас нь 450Mhz,800Mhz,900Mhz,1800Mhz,1900Mhz гэсэн үндсэн 5 давтамж буюу долгионтой байдаг. Утас болгон эдгээрийн аль нэгэнд нь зориулагдаж үйлдвэрлэгдсэн байдаг. Эдгээр нь тус тусдаа ажиллагаа болон хамрах хүрээ нь өөр байдаг. Давтамжийн тоо багасах тусам хамрах хүрээ цацалтын чадал сайн байдаг.

450Mhz Хамрах хүрээ маш их бөгөөд манай оронд G-Mobile-ийн гар утаснууд энэ давтамж дээр ажилладаг

800Mhz Мөн хамрах хүрээ өндөр Skytel-ийн гар утаснууд болон Япон,Солонгос зэрэг орнууд энэ давтамжийг хэрэглэдэг

900Mhz Хамрах хүрээ дунд зэрэг Mobi,Unitel болон Азийн ихэнх орон Европ даяар хэрэглэгддэг хамгийн тохиромжтой давтамж

1800Mhz Хамрах хүрээ бага манай оронд ажиллах хэдий ч Улаанбаатар дотор л сүлжээ барьдаг.

1900Mhz Америк,Латин Америкийн орнууд хэрэглэгддэг Монголд таарахгүй

Энэ давтамжуудийг "band" гэж нэрлэдэг. Утас болгон band-тай байдаг бөгөөд тэр band дээрээ л ажилладаг. Харин сүүлийн үеийн утаснууд олон band дээр ажиллах чадвартай болж байгаа. Утас болгон дээр band тэмдэглэгээтэй байдаг. g800,g900/1800,g800/900/1900 гэх мэт тэмдэглэгээтэй байдаг. Олон band дээр ажилладаг утасны band тохиргоог та ч өөрөө тохируулах боломжтой. Харин bluetooth 2,4Ghz-ийн давтамж дээр ажилладаг. Яг л комьпютертэй адил CPU,RAM,FLASH(Hard),POWER IC, Audio IC, Radio зэргээс бүрддэг. Ямар ч утсанд эдгээр зүйл заавал байх ёстой. Харин камер,bluetooth,FM,MP3,MP4 зэрэг бол нэмэлт зүйлүүд юм. За одоохондоо энэ хүрээд зогсоё. Цаашид гар утасны талаар улам илүү тодорхой нарийн мэдээллүүдийг нийтэлж байх болноо.

Энэ "Монгол" мөн үү?????

2008-09-14T21:13:00.000-07:00

Сая энэ өнгөрсөн амралтын өдрүүдээр би "Мишээл Expo" дээр нэг үзэсгэлэн худалдаанд оролцвоо. Амихандаа нэг бяцхан үйлдвэрээ "Реклам" хийхээр очиж 2 өдөр зогсолоо. Тэгээд нэг зав чөлөөгөөрөө явж үзэсгэлэнг нь сонирхлоо. Гэтэл энд тэндгүй "АРХИ" гэсэн рекламнууд дүүрэн. Талбай дээр тэдгээрээс илүү реклам хийж байгаа зүйл алга. Тэр үзэсгэлэнгийн бараг талаас илүү хувь нь архиний реклам. Бүүр орж ирсэн хүн бүрд архи амсуулна гэжугаа. Ёс суртахуунаа алдсан гэхэд бүүр арай дэндүү хүүхэд,хөгшидгүй бүгдэнд нь архиа амсуулах гэж улаарна. Нөгөө л нэг монголын томоохон архины үйлдвэрүүд(Нэрийг нь дурьдаад яахав) бүгд л хоорондоо нэгнээсээ илүү гарахаар ач тачаа үзэлцэж байналээ. Бас болоогүйээ баахан хужаа(хятад) нар. Тэд нэг хэдэн комьпютер,эм зэрэг бараагаа суртачилахаар ирсэн бололтой. Тэд нар нь бас хүмүүсийг зүгээр явуулахгүйээ. Өөрлүүгээ татаж чангаагаад л тэгээд барааг нь авахгүй бол тэнэг мангараар нь хараагаад л ёстой мань хэдийг дээрэлхэж байналээ. Бид чинь өөрийн монгол газар шороон дээрээ хүртэл хужаа нарт дээрэлхүүлэх ёстой гэжүү? Гэхдээ саарын хажуугаар бас хэдэн нүд баясгахаар юмс харагдаж байналээ. "Говь","Гоёо" зэрэг үйлдвэрүүдийн хийсэн ноолууран бүтээлүүд үнэхээр сайхан гоё хаана ч гологдохооргүй харагдаж байналээшүү. За энэ ч яахав бид чинь Монголчууд мөн л юм бол газар шороон дээрээ эзэд нь байцгаая.

Хөлбөмбөг хөлбөмбөг....

2008-09-11T18:48:00.000-07:00

Удаан хүлээсэн мөч ирж аваргуудын лиг(Champions League) энэ сарын 16-нд эхлэх гэж байна. Шилдэг 32 багийн цомын төлөөх тулаануудыг бүтэн 9 сарын турш нойр хоолоо умартан үзнэдээ хө. Гэхдээ энэ удаад цомын 7 удаагийн эзэд болох Италийн алдарт AC Milan баг оролцохгүй болсон. Тэд өнгөрсөн жил улсынхаа аваргад тааруухан тоглож 5-р байр эзэлсэн нь тэднийг аваргуудын лигээс хаслаа. Гэхдээ бас тэдний оронд торгуулийн улмаас эрхээ хасуулаад байсан Juventus баг дахин тулаанд оролцохоор болсон нь бас л сонирхолтой болгох байхдаа. Тэдний хувьд хэсэгтээ мөнхийн өрсөлдөгч болох Реал Мадрид багтай таараад байгаа. Тэд ч мөн олон жил чий байгаа үзэлцсэндээ. Энэ удаад дахиад л. Мөн бас нэг сонирхолтой зүйл гэвэл Ливерпүүл(Миний хайртай баг) болон Испаний шигшээгийн алтан жаал Fernando Torres өөрийн унаган баг болох Athletico Madrid багтэй нэг хэсэгт оржээ. 2 жилийн өмнө л гэхэд Torres(Би ч бас фен нь) маань энэ багийг ахлан тэдний фенүүдийн зүрх нь болж байсан билээ. Гэтэл одоо тэдний өрсөлдөгч нь болсон хамгаалалтыг нь бусниулахаар зогсож байдаг. За тэгээд олон ч сонирхолтой гоё гоё зүйл гарах байхдаа.

Групийн хуваарь болон хэсгийн эхний тоглолтууд

А хэсэг
1.Chelsea (Aнгли) Chelsea - Bordo (2008/09/16 : 02:45)
2.Roma (Итали) Roma - CFR Cluj (2008/09/16 : 02:45)
3.Bordo(Франц)
4.CFR Cluj(Румын)

B хэсэг
1.Inter Milan (Итали) Werder Bremen - Anorthosis (2008/09/16 : 02:45)
2.Werder Bremen (Герман) Phanathinaikos - Inter (2008/09/16 : 02:45)
3.Panathinaikos(Грек)
4.Anorthosis(Грек)

C хэсэг
1.Barcelona (Испани) Barcelona - Sporting (2008/09/16 : 02:45)
2.Sporting Lissabon (Португали) Basel - Shakhtar (2008/09/16 : 02:45)
3.Shakhtar(Украйн)
4.Basel(Швецарь)

D хэсэг
1.Liverpool (Англи) PSV - Athletico (2008/09/16 : 02:45)
2.Atletico Madrid (Испани) Marseille - Liverpool (2008/09/16 : 02:45)
3.PSV(Голланд)
4.Marseille(Франц)

E хэсэг
1.Man United (Англи) Man United - Villarreal (2008/09/17 : 02:45)
2.Villarreal (Испани) Celtic - Aab Alborg (2008/09/17 : 02:45)
3.Celtic(Шотланд)
4.AaB Alborg(Белги)

F хэсэг
1.Bayern Munich (Герман) Lyon - Fiorentina (2008/09/17 : 02:45)
2.Lyon(Франц) Steaua - Bayern Munich (2008/09/17 : 02:45)
3.Fiorentina(Итали)
4.Steaua(Румын)

G хэсэг
1.Arsenal (Англи) Dynamo - Arsenal (2008/09/17 : 02:45)
2.Porto (Португали) Porto - Fenerbahce (2008/09/17 : 02:45)
3.Fenerbahche(Турк)
4.Dynamo(Украйн)

H хэсэг
1.Real Madrid (Испани) Juventus - Zenit (2008/09/17 : 02:45)
2.Juventus (Итали) Real Madrid - FC Bate (2008/09/17 : 02:45)
3.FC.Zenit(Орос)
4.FC BATE Borisov(Беларусь)

Би..

2008-09-10T22:45:00.000-07:00

Би гэдэг хүн энэ програмист гэдэг мэргэжилийг яаж яваад ямар золоор олоод эзэмшичихвээ?(Яг ч програмист болоогүй байгаалдаа) Гэж би өөрөөсөө асуулаа тэгсэн их л азтай сонин тохиолдлоор амьдралаа огцом өөрчилсөндөө. Дунд сургуульд байхдаа компютэрийг PC тоглохоос өөр зорилгоор ашигаладаггүй байсан шүүдээ. За тэгээд 11-р ангиа төгсдөг юм байна. Элсэлтийн ерөнхий шалгалт болоо. Багаасаа банкинд ажилна гэж бодож байсан болохоор математикаа сайн бэлдээд орсондоо. Тэгээд нэг хүссэн ангидаа орлоодоо. Хэхэ МУИС-ийн банкний ангид ороодохвоо. Ингээд л оюутан болоод хотод ирдэг юм байнаа.(Дарханаас) Хичээл эхлэх болоогүй байсан л даа. 8 сарын дундуур санагдаж байна. Тэгтэл манай нэг ах USI гэдэг шинэ сургууль байгуулагдсан гэнэ чи орохуу? гэдэг байгаа. Би ч тэр үед компютерийг нэг их сайн мэдэхгүй юм шивэх,тоглоом тоглох,дуу сонсохоос өөр талаар ашигладаггүй байсандаа. Гэхдээ 2хон жил сурна гэхээр нь ер нь нэг үздэг юм уу? гэж бодоод шалгалтанд нь яваад орвоо. Математик, Англи хэлний шалгалтанд орсон. Гэтэл 2 билүү 3 хоногийн дараа шалгалтанд тэнцсэн гэдэг хариу ирдэг байгаа. Алинд нь орох вэ? гэж их бодлоо тэгээд нэг ийм санаа олдийм байна. Одоо би 17той 2 жил сурахад 19тэй болно. Тэр үед дахиж оюутан болох юм байнэ гээд USI сургуулийг сонгочвоо. Ингээд л миний компютертэй нөхөрлөсн нэг жил минь эхэлсэн дээ. Хамгийн хөгжилтэй нь би анх програмист гэж юу байдгийг ч мэдэхгүй. Компютэр засдаг сайн шивдэг хүнийг л хэлдэг байх гэж бодож байсан шүү. Хэхэ гэтэл шаал өөр C,Java,HTML гээд л сонсоогүй юм ороод ирэхлээр нь мань эр дунд нь төөрцөн сар гаруй манарсандаа. Хэрэв надад ийм зүйл тохиолдоогүй байсан бол энэ блогийг хөтлөөч үү гүйч үү! Өдийд бас л баахан тоон дунд манарцан явж байх байсан байхдаа. Гэхдээ л би энэ замаар орцондоо өөрийгөө ямар азтай юм бэ гэж боддог шүү. Хэхэхэ

Тэмцээний бодолтууд

2008-09-08T23:44:00.001-07:00

Тэмцээнд оролцогч B@Ts ийн бодолтууд.
Тэмцээнд оролцогч wizards ийн бодолтууд.

Тэмцээнд оролцогч lmo_0731 ийн бодолтууд.
Тэмцээнд оролцогч B.Hasan ийн бодолтууд.

Тэмцээнд оролцогч Khongor_mobi ийн бодолтууд.

Тэмцээн эхлэлээ

2008-09-06T00:26:00.000-07:00

За нэг бөөн сандрал болж байж тэмцээнээ эхлүүллээдээ. Гай гэзар дээрээс гэгчээр яаг тэмцээн эхлэх өглөө сервэр унтарч бөөн сандруулж авлаа.(Хөлсөө арчиж байна). Ингээд болзсон цагаасаа 2 цагийн дараа олон хүнд муу хэлүүлэн байж тэмцээнээ нээлээдээ. Хүсвэл та ч тэмцээнд орж болно шүү.
Нэг ийм 3 бодлого л тавьчихлаа Фибаночийн хуваалт,Том илэрхийлэл,Овжин бэрс эдгээрийг оролдоод үзээрэй. Одоо харин ирэх Мягмар гаригийн өглөө хэн нь ялагч болохыг харах л үлдлээ. Happy Coding!!!

Online Judge

2008-09-02T20:39:00.000-07:00

Хичээлийн шинэ жилийн нээлтэнд зориулж байгаа Online Judge нь 2008.09.06-2008.09.09 хүртэл үргэлжлэнэ. Тэмцээнд амжиллттай оролцсон эхний 3 байрыг шалгаруулж мөнгөн шагнал олгох болно. Тус тэмцээний ерөнхий ивээн тэтгэгчээр "2007 оны шилдэг байгальд ээлтэй байгууллага" өргөмжлөлт "Сан-Оргиу" ХХК ажиллаж байна. Тус компани нь 2005 оноос эхлэн үйл ажиллагаагаа явуулж байгаа бөгөөд хог хаягдал цуглуулан түүнийг дахин боловсруулан бүтээгдэхүүн болгон гаргаж байна. Юутай ч гэсэн Монголын програмчлалын хөгжилд багахан ч гэсэн хувь оруулж байгаа энэ компанид баярласанаа илэрхийлье. Мөн дараа дараагийн тэмцээнүүдийг ивээн тэтгэх байгууллагууд олон байгаа гэдэгт найдаж байна.Ингээд тэмцээнд оролцогчиддоо амжилт хүсье. Good Luck!

Тэмцээн зарлаж байна.

2008-08-31T22:52:00.000-07:00

Хичээлийн шинэ жил эхэлж буйтай холбогдуулан Coder.mn -ээс програмчиллын өндөр шагналт тэмцээн зарлаж байна. Тус тэмцээн нь програмчлалыг сонирходог хүн бүрт нээлттэй бөгөөд оюутан залуус, сурагчидыг хөхүүлэн дэмжих зорилготой. Тэмцээн C болон Pascal хэлүүд дээр явагдана. Тэмцээн 2008 оны 9 сарын 6ны 10 цагаас- аас 2008 оны 9 сарын 9ны 12 цаг хүртэл явагдах тул сурагч оюутан залуус болон програмчлалд сонирхолтой хүн бүрийг урьж байна. Хэрэв та тэмцээний талаар илүү их мэдээлэл авахыг хүсвэл доорх хаягруу майл илгээж болно.

buyanbat_9001@yahoo.com

C хэл хэрхэн бүтэв

2008-07-17T18:32:00.000-07:00

Дэлхий дээрх хамгийн түгээмэл хэл болох С хэлийг 1970 онд програм зохиогч Dennis Ritchie бүтээсэн бөгөөд өөрийн өмнө бүтээсэн B хэлний залгамж хувилбар болгосон юм. С хэлийг бүтээх болсон далд санаа нь үйлдлийн систем бичих хэл бий болгоход оршиж байв. Хэл нь маш энгийн, тохиромжтой байсан учраас удалгүй өөр олон төрлийн програмууд бүтээхэд ашиглагдаж эхэлсэн бөгөөд маш хурдан хугацаанд хамгийн түгээмэл хэлүүдийн нэг болж чадсан юм. С хэл ингэж түгээмэл болоход хоёр үндсэн хүчин зүйл нөлөөлсөн юм. Нэгд, хэл нь програм зохиогчдийн хувьд сурахад ойр байсан, програм зохиогч юу хиймээр байна түүнийгээ зөв С дүрэмд оруулаад л хийж чадаж байв. Хоёрт, олон платформ дээр ажиллах боломж бүхий С хөрвүүлэгчид элбэг, олдоцтой байсан байна. 1980 онд Bjarne Stroustrup "C with Classes” нэртэй шинэ хэл дээр ажиллаж эхэлсэн бөгөөд энэ нь хожим C++ нэртэй хэл болсон байна. Сүүлийн үеийн шинэ хэлүүдийн нэг болох Java нь мөн C++ дээр суурилсан юм.
С хэлний олон хувилбарууд байдаг. С хэлний өгүүлбэр зүйн анхны дүрмийг 1989 онд American National Standards Institute (ANSI)-ээс баталсан юм. Энэ хувилбар нь “Стандарт Си”, “ANSI C” гэх зэргээр нэрлэгддэг. С хэлний хамгийн сүүлийн стандарт нь 1999 онд ISO-оор батлагдсан ба энэ хувилбарыг C99 гэж нэрлэдэг.
Си яаж ажилладаг вэ
С нь компьютер болон програм зохиогчийн хооронд гүүр байхаар зохиомжлогдсон хэл
юм.
Програм зохиогч өөрийн санааг текст засварлагч дээр бичиж файлд хадгална, энэ файлыг эх кодын файл гэнэ. Эх кодын файл нь хөрвүүлэгчээр объект файл руу хувиргагдана. Дараа нь, холбогч гэж нэрлэгдэх програм объект файлуудыг хүлээн авч, стандарт сангуудаас шаардагдах функцүүдийг нэгтгэн холбож биелэх програмыг үүсгэнэ (машины код).

Компьютерийн програм нь хоёр үндсэн хэсгээс тогтоно: өгөгдлүүд, зааврууд. Өгөгдөл нь компьютерт байтуудын цуваа хэлбэрээр хадгалагддаг. Өгөгдөл бол програм оршин байхын анхдагч шалтгаан юм, өгөгдөл байхгүй бол програм байхын утга үгүй юм.

Компьютертэй ойлголцох нь

2008-07-16T20:54:00.000-07:00

Компьютертэй ойлголцох нь амаргүй ажил юм, учир нь тэд яг таг тодорхой зааврыг хүлээдэг. Хэрэв бид хоорондоо харилцдаг натурал хэлээрээ компьютертэй харьцдаг бол хялбар байхсан. Тэгээд компьютерт “миний диск төхөөрөмжийн багтаамжийг харуул” гэхэд компьютер үр дүнг нь харуулдаг байх байсан биз. Гэвч натурал хэл ашиглаж заавар өгөхөд хоёрдмол утгатай зүйлс их байх болно. Машинууд тоогоор "сэтгэдэг" байхад хүмүүс тийм биш юм.
Тэгэхээр яаж компьютертэй ойлголцох вэ?
Програм зохиогчид тоон заавруудаас тогтох машинд зориулсан хэлийг бүтээсэн юм. Энэ тоон заавар нь компьютерт шууд өгөгдөх ба түүнийг машин ойлгож гүйцэтгэнэ. Машины хэл дээр бичигдсэн програм нь дараахь байдалтай харагдана.
1010 1111
0011 0111
0111 0110
.. гэх мэт хэдэн зуун заавар
Машины хэл дээр програм бичих нь маш хүнд ажил байсан учраас инженерүүд ассемблай хэлийг бүтээсэн байна. Энэ хэлний нэг гэн-заавар нь машины нэг тоон-заавартай харгалзсан байдаг. Ассемблай хэлэнд бичсэн програм нь дараахь байдалтай харагдана:
Програм Машины код
MOV A,47 1010 1111
ADD A,B 0011 0111
HALT 0111 0110
.. гэх мэт хэдэн зуун заавар
Ассемблай програмыг гараараа машины тоон хэл рүү хөрвүүлж угсардаг байсан учраас ассемблай гэж нэрлэгдсэн байна.
Програмыг хүрвүүлэх

Ассемблай хэлнээс машины код руу хөрвүүлэх нь маш хүнд, уйтгартай, нарийн ажиллагаа шаардсан ажил байв. Аз болоход нэгэн програм зохиогч энэ ажлыг хөнгөвчилсөн хөрвүүлэгч програмыг бүтээсэн бөгөөд түүнийгээ ассемблер гэж нэрлэсэн байна. Энэхүү ассемблер програм нь цаашдын бүх програмчлалын хэлүүдийн эхлэл байсан юм.

Энэтхэгчүүдийн ноёрхол

2008-07-13T20:41:00.000-07:00

IT хэмээх асар том зах зээлд Америк Японы өрсөлддөг байсан цаг хуучиржээ. Энэ их гүрнүүдийн дундуур Энэтхэг орон цойлон гарч ирж нэгэнт оргилд нь хүрсэн байна. Хүн амын тоогоороо хагас тэрбумыг даваад байгаа бөгөөд уг үзүүлэлтээрээ Хятадын дараа ордогийг бүгд л мэддэг. Тэгвэл тэдний IT салбар Хятадыг 13 дахин нугалахаар том гэнэ. Тэгвэл энэ нь манай Монголын хувьд юу гэсэн үг вэ? Хэдэн зугаар нь илүү нугалах тийм том хөгжсөн байна. Гэхдээ тэдний инженэр програмистуудын ихэнх нь гадаад орнуудын том том акулуудад ажилладаг сурагтай. Саяхан Америкийн нэгэн сонингийн судалгаагаар Америк даяар үйл ажиллагаагаа явуулдаг бүх Software ийн компаниудын ажилтнуудын 41% нь Энэтхэгчүүд гэх баримт ч нотлогдсон байна. Гэхдээ бас нэг сонин нь Энэтхэгийн гадаадад ажилладаг програмистууд нь нийт Англи хэлтэй хүн амын 9% ийг нь эзэлдэг гэнээ. Эндээс нэг бяцхан тооцоо хийчии.IndianEnglish(Англи хэлээр ярьж чаддаг хүмүүс) = 616000000. ExportProgrammer = IndianEnglish/100*9 = 55440000 гээд л боддоо. Энэ чинь манай Монголын нийт хүн амыг 20 дахин нугалахаар их хүн Энэтхэгээс зөвхөн гадаадын компаниудад ажилладаг байхнээ. Тэгэхлээр Энэтхэгийн IT салбар яаж ийм хурдацтай асар том хүрээг хамарч чадваа гэдэг асуулт үлдэж байна. Миний дүгнэлтээр бол энэ нь тэдний English-тэй шууд холбоотой гэж бодож байна. Тэд Английн колонд олон жил болж нийт хүн амын ихэнх нь English-ээр торохгүй яридаг болсон. Тэр давуу тал нь л тэднийг их амжилтанд хүргэж байна.

EURO-2008 : Хамгийн ихээр Фенүүдээ гомдоосон 10 тоглогч

2008-06-29T18:37:00.000-07:00

10.Adrian Mutu
Английн алдарт Chelsea багт хүртэл зүтгэж явсан тэрээр өнгөрсөн өвөл Италид сайн тоглосон боловч энэ удаа Румынчуудыг хөөдөж хэсгээс гарах эрхийг нь хасав.
9.Ricardo Quaresma
Порто клубын сүпер од энэ удаагийн тэмцээнд Португалийг төлөөлж ганц чухал тоглолтонд оролцоогүй нь түүний сая сая фенүүдийг гомдоосон нь ойлгомжтой.
8.Rafael Van Der Vaart
Хэсгийн тоглолтуудад гайхалтай тоглож багтаа ихээхэн тус хүргэсэн боловч Оросын эсрэг юу ч хийж чадаагүй. Энэ жил томоохон клубууд түүнийг булаацалдаж байгаа шуугиан намжина биз.
7.Karim Benzema
Францчуудын ирээдүйн Зедани гэгдээд байгаа энэ хүү энэ тэмцээнээр тодрох ёстой байлаа. Гэвч азгүйтэл бүтэлгүйдэл түүнийг дайрлаа. Түүнийг дараагийн Зеданн байна гэдэгд олон хүний итгэл алдарсан байхдаа.
6.Frank Ribery
Тэр Францчуудын ганц сайн тоглож байсан тоглогч байсан боловч хэсгийн сүүлийн чухал тоглолтонд түүний бэртсэн явдал нь Францчуудыг бараг бууж өгсөн гэхэд болно. Хэрэв Ribery байсан бол яах бол?
5.Cristiano Ronaldo
Өнөө цагийн дэлхийн хамгийн шилдэг гэгдээд байгаа энэ эрхэм тийм ч сайн байсангүй. Эхний тоглолтоос бусад тоглолтонд түүний нөгөө алдарт жүжиглэлт тэшилт савчилт нар нь бүгд л амжилтгүй болсон. Түүнээс олон хүн юм харж байсаан....................
4.Fabio Cannavaro
Түүнгүйгээр Италичуудын хамгаалалт үнэхээр юу ч биш гэдэг нь ойлгомжтой боллоо. Түүний бэртэл л Италичуудыг найдваргүй болгосон.
3.Eric Abidal
Barca-д хүнд улиралыг өнгөрөөж энэ тэмцээнд оролцсон тэрээр Италитай хийсэн тоглолтонд улаан хуудасаар шагнуулан багийнхныгаа 10-ууланг нь үлдээсэн. Француудын азгүйтэлд түүний нөлөө тэргүүн эгнээнд.
2.Petr Cech
Дэлхийн шилдэг хаалгач гэгдээд байсан энэ эрхэм хэсгийн сүүлийн тоглолтонд маш том хоёр алдаа гаргаснаар багийн гол сүнс найдвар болоод байсан хүн харин бүүр эсрэгээрээ багийн хожигдлын гол буруутан болоод байна. Челси болон Чехийн хөгжөөн дэмжигчдийн урамыг ч нэг хугалсандаа.
1.Alexander Frei
Хамгийн харамсалтай ч гэж болно. Швейцарийн багын ноён нуруу үлгэр дууриал болсон энэ хүний бэртэл нь талбайн эздийн толгойг нь тастсан гэсэн л үг. Түүнгүйгээр Швейцарийн багын довтолгоо бол бүтэшгүй мэт байсан. Миний хувьд энэ тэмцээний хамгийн харамсалтай бэртэл.

EURO-2008 : Tops and Flops

2008-06-25T19:59:00.000-07:00

Евро-2008 д оролцож байгаа улсуудын тамирчин дасгалжуулагчдаас хамгийн сайн болон муу нь

Австри:
TOP: Ivica Vastic Австрийн шигшээгийн нэр төрийн ганц гоолыг тоглолтын сүүлийн минутанд Польшийн хаалганд торгуулийн цохилтоор хийсэн.
FLOP: Martin Harnik Зарим хүмүүс түүнийг маш аймшигтай гэж бодож байгаа байх. Харин миний хувьд түүний Германтай хийсэн тоглолтонд өмд нь шувтаран нүцгэрч аргагүй байдалд орж байсан нь үнэхээр хөгжилтэй санагдсан.

Хорват:
TOP:Мэдээж Slovian Bilic Тэр үнэхээр энэ тэмцээнд багаа сайн бэлдсэн байсан. Өөр ямар ч дасгалжуулагч түүн шиг багтайгаа ойр байгаагүй. Сүүлчийн минутын азгүйтлийг эс тооцвол түүний баг үнэхээр өөлөх юмгүй байсан.
FLOP:Luka Modric Тэр бол сайн тоглогч гэдгийг би мэднэ. Тэр үнэхээр ухаанаараа тоглодог авъяаслаг нэгэн. Гэхдээ энэ удаа тэр тийм ч хангалттай тоглож чадсангүй. Гэхдээ түүнд ирээдүй байна. Тэр энэ жилээё Английн Тоттенхем багт тоглох болсон. Тэр бол ирээдүйн Хорватын гол тоглогч болох хүн.

Чех:
TOP:Libior Sionko Тэр Rangers-т тоглож UEFA цомын шигшээд шалгарч байсан. Чехийн шигшээг ухаалаг тоглолтоороо манлайлж байсан.
FLOP:Petr Cech Энэ тэмцээн түүнд тун хатуу болж өнгөрлөө. Тэр тун чухал үед яг л Английн Paul Robinson шиг том алдаа гаргаж багаа хөөдсөн. Багийнхан нь түүнд маш их найдаж байсан. Одоо тэр Buffon,Cassilas хоёртой өрсөлдөх өрсөлдөөнөөс ард хоцорлоо.

Франц

TOP: Сайшаах хүн үнэхээр олдсонгүй. Бүгд хангалтгүй. Зедани байхгүй бол Франц үнэхээр учираа олж чадахгүй байсан.
FLOP:За дасгалжуулагч л гэчийдаа. Raymond Domenech гэж энэ эрхэм анх багийн 23 тоглогчийг л буруу сонгосон. Түүнд Makelele,Thuram,Veira,Anelka гэсэн ахмадууд огт хэрэггүй байсан. Энэ жил Арсеналд гялалзаж чадсан Mattheu Flameni гэж залууг аваагүй нь Француудад Зеданы орон зайг улам хоосолсон гэлтэй.

Герман
TOP:Michael Ballack Тэр дахиад нэг удаа Герман бахархал боллоо. Тэр үнэхээр талбайн төвийн мэргэжилтэн гэдгээ харуулж байгаа. Герман машины гол хөдөлгүүр нь яах аргагүй энэ хүн. The Really Leader
FLOP:Төвийн хоёр баганууд болох Cristpoh Metzelder,Per Mertesacker нар. Яг л тэнэг хүн шиг хоёр үлэмж биет. Тэд олон жил Германы арыг дааж байгаа боловч энэ удаа нэг л болхи идэвхи муутай тоглож байна.

Итали
TOP:Giorgo Ghiellini Италийн арын хамгаалалтанд тэр Alessandro Nesta-г оролж байгаа. Ювэнтусын энэ залуу Cannavaro-ийн эзгүйд Италийн хамгаалалтыг сайн дааж байгаа. 24 настай тэрээр тун удахгүй Италийн шилдэг хамгаалагч болох бизээ.
FLOP:Luca Toni Баваряд энэ өвөл гялалзсан боловч Италийн багт тус болж чадсангүй. Түүнд олон боломж байсан боловч ганцыг нь ч ашиглаж чадаагүй тун бүтэлгүй болохоо харуулсан.Гоол хийх өндөр магадлалтай 13 боломжоос ганцыг нь ч ашиглаагүй.

Голланд
TOP:Wesley Sneijder Энэ тэмцээнд улбар шаруудыг маналайлж чадсан. 24 настай тэрээр Испанийн эзэн хааны Real Madrid багт тоглосон эхний жилдээ л Ла лигийн аварга болсон тун одтой залуудаа.
FLOP:Яах аргагүй дасгалжуулагч Марко Ван Бастен. Хэсгийн тоглолтуудад тэр тун гайхалтай багаа удирдсан. Гэвч Оросын эсрэг байж болох хамгийн муу хувилбаруудыг хийсэн. Arjen Robben гэж чадварлаг тоглогчийг бүр гараанд л гаргах байсан. Гэтэл бүүр солилцоогоор ч оруулаагүй нь үнэхээр том алдаа. Магадгүй Гуус Хиддинк багшаасаа хэт айсан байхлдаа.

Польш
TOP:Roger Guerreiro Бразил гаралтай энэ хүн Польшуудаас бүх юмаараа л тодорч байсандаа. Түүний техник ур чадвар нь том клубуудад очих зиндаанд хүрсэн байналээ.
FLOP:Тэдний хамгаалалт сул байсан. Бүх л хүнд ачааг хаалгач Artur Boruc л үүрч байсандаа. Тэдний эсрэг ямар ч багууд гоол хийхэд хялбархан байсан. Гол нь Боруч-ийг л аргалах.
Португаль
TOP:Би л лав Ronaldo сайн байсан гэж хэлэхгүй. Харин энэ өвөлжин Ronaldinho -ийн хамтаар Барса-д хүнд улирал өнгөрөөсөн Deco л гайхалтай тоглож байсан. Багын бүх л үйл явц түүгээр дамжиж байсан. Дэкү ч өөрийнхөө бөндгөрийн чадлыг харуулж чадсан.
FLOP:Бас л дасгалжуулагч Luiz Felipe Scolari. Яг л Ван Бастен шиг. Тэр маш их ур чадвартай Ricardo Quaresma -г ерөөсөө ашиглаагүй. Магадгүй Челсид очсондоо баярлаад Португалийг зөнд нь хаясан байхалдаа.

Румын
TOP:Cristian Chivu Тэр Интер Миланд төвийн хамгаалагчийн байрлалд тоглодог. Гэхдээ энэ удаа тэр Румыны багын төвийн найруулагчаар тоглож багын хамгаалалт довтолгоо аль алиныг нь удирдаж чадаж байсан.
FLOP:Adrian Mutu Тэр сайн тоглож байсан. Гэвч багаа хэсгээс гаргах эрхийг хаасан. Тэр торгуулийн цохилтыг алдаж маш том алдаа хийсэн.
Испани
TOP:Iker Cassilas Төгс гэхэд болно. Тэр бүүр багаасаа л авъяастай гэдгээ нотолж байсан. Тэр олон ч цохилтонд хаалт хийж өөрийгөө хэн болохоо харуулж байгаа. Тэр Италитай хийсэн тоглолтонд гайхалтай тоглож хоёрч торгуулийн цохилт хааж Buffon-ийг дийлсэн. Мөн Torres & Villa гэсэн довтолгооны хослол үнэхээр гайхалтай байгаа.
FLOP:Бас л дасгалжуулагч Luis Aragones. Түүнд маш сайн бүрэлдэхүүн байгаа. Тэр гарааны 11-ийг ч зөв томилсон. Харин түүний сэлгээ солилцоо хийх тал дээр нэлээн дутмаг байгаа. Түүний 23 тоглогч дотор David Silva-аас өөр олигтой жигүүрээр тоглодог хүн алга байсан. Мөн тэр PassMaster болох Xabi Alonso-г чухал тоглолтуудад огт ашиглахгүй байгаа нь хачирхалтай. Мөн өнөө цагийн дэлхийн шилдэг довтлогч гэгдээд байгаа Fernando Torres-ийг тийм ч хангалттай тоглуулахгүй байгаа. Түүнийг байнга солилцоонд суулгаж байгаа нь их сонин тохиолдол. Ямар ч байсан энэ дасгалжуулагч их сонин тактикаар тэмцээнийг үргэлжлүүлж байна.

Швед
TOP:Zlatan Ibrahimovic. Тэр тэмцээний өмнө бэртэлтэй байсан. Гэвч тэр тоглолтуудад оролцож гайхалтай 2 гоол оруулж хэн гэдгээ харуулж чадсан. Энэ тэмцээнд Шведийн өрсөлдөгчид Ibra-г барих гэж л зүдэрсэн байхдаа.
FLOP:Багийн тоглогчдийн нас нь л юмдаа. Henrik Larsson,Allexandorson,Ljungberg,Svensson гээд л ихэнх тоглогчид нь 30 гарсан байгаа нь тэдэнд хөлбөмбөгийн шинэ үе хэрэгтэй байгааг илтгэж байна. Энэ ахмад тоглогчид яаж ч тоглоод бүтэн 90 минутын тоглолтын ачааллыг даахааргүй болсон харагдаж байсан.

Орос
TOP:Andrei Arshavin. Тэр энэ тэмцээний нэг гол шуугиануудын нэг болоод байгаа. Түүний тоглолтууд үнэхээр гайхалтай байгаа. Европын том клубууд түүнийг булаацалдаж байна. Эхний 2 тоглолтыг торгуулийн улмаас өнжсөн тэрбээр оролцсон 2 тоглолтондоо Оросын шигшээг үндсээр нь өөрчилсөн гэхэд болно.
FLOP:Хамгаалалт сул байгаа. Тэдний хамгаалагчид жаахан туршлагагүйтэж байгаа. Үндсэн хамгаалагчид шар хуудас олноор авч байгаа нь тэдэнд хүндээр тусч байгаа.

Түрк
TOP:Fatih Terim. Энэ ууртай дасгалжуулагч үнэхээр Түркүүдийг эцсээ хүртэл тэмцэхээс өөр аргагүй болгож байгаа. Түүний тактик бол махруу дайралт.
FLOP:Бэртэл гэмтэл. Тэднийг нэр гай дайрсан нь бэртэл болон торгуулиуд. Хаалгач Volkan Чехийн довтлогч Jan Koller-ийг түлхэж унагаан улаан хуудас авсан. Мөн Nihat,Tuncay,Emre,Servet зэрэг багын гол тоглогчид бэртэл авч одоо тэд 14 хөн болоод байгаа. Энэ нь л тэдний гол асуудал.

Шөвгийн 8 баг үлдлээ.

2008-06-18T18:54:00.000-07:00

Евро-2008 ийн хэсгийн тоглолтууд өндөрлөж шигшээ 8 баг үлдээд байна.

А хэсэг: 1.Portugal 2.Turkey
B хэсэг: 1.Crotia 2.Germany
С хэсэг: 1.Netherland 2.Italy
D хэсэг: 1.Spain 2.Russia

Portugal(A1) - Germany(B2) (2008.06.20-ны 02 цаг 45мин)
Crotia(B1) - Turkey(A2) (2008.06.21-ны 02 цаг 45мин)
Netherland(C1) - Russia(D2)(2008.06.22-ны 02 цаг 45мин)
Spain(D1) - Italy(C2) (2008.06.23-ны 02 цаг 45мин)

Portugal(A1) - Germany(B2) (2008.06.20-ны 02 цаг 45мин)*
Энэ хоёр багийн хувьд тун ширүүн өрсөлдөөнтөй сайхан тоглолт гарна гэж бодож байна. Португаличууд илүү довтолж тоглох боловч Германы машинуудыг давж гарна гэж хэцүү. Тэдэнд Роналду байгаа боловч тэрээр энэ удаагийн тэмцээнд төдийлэн сайн тоглож чадахгүй байгаа. Тэгээд ч түүний өөдөөс шилдэг хамгаалагчдийн нэг Филлип Лаам байгаа нь түүнийг дураар нь дургиулахгүй л боловуу. Энэ багийн гол өрсөлдөөн талбайн төвд Дэкү болон Баллак хоёры хооронд болно. Тоглолтийн бараг тал хувь нь тэр хоёроос шалтгаална. Энэ хоёрийн хэн азтай,форумтай байгаа нь л дийлэх байх. Ер нь энэ хоёрын аль хожсон нь л финалын шатанд бараг шалгарах боловуу. Учир нь тэднийг хагас шигшээд Турк болон Хорват гэсэн хоёр сулхандуу баг хүлээж байгаа.
Prediction: Portugal 2 : 1 Gremany

Crotia(B1) - Turkey(A2) (2008.06.21-ны 02 цаг 45мин)
Энэ бас л ширүүн тоглолт болно. Чансаа чадвар ойролцоо хоёр багийн тоголтийг үзэхэд урамтай байдаг. Гэхдээ хэсгийн тоглолтонд Германыг буулгаж авсан Хорватууд санаачлагыг гартаа авах боловуу? Эсвэл Түркүүд нөгөөх хурдтай хүчний тоглолтоо хийх боловуу? Гэхдээ энэ хоёрын аль нь ч хожсон хагас шигшээгээс шүүрдэгдэнэ биздээ.
Prediction: Crotia 3:2 Turkey

Netherland(C1) - Russia(D2)(2008.06.22-ны 02 цаг 45мин)
Манай Орос ах нар маань хэсгийн сүүлийн тоглолтонд Шведийг буулган авч шилдэг наймд багтаж чадсан. Гэхдээ тэдний эсрэг улбар шарууд зогсож байна. Тэд үхлийн хэсгийг 9 оноогоор тэргүүлсэн бөгөөд 9 гоол оруулж ганцхан гоол алдсан гэсэн бахдам амжилттай байгаа. Гэхдээ Оросууд Шведийг тун илүүрхэн тоглож байналээ. Тэд улбар шаруудын хүчтэй довтолгоог барьж дийлэх боловуу? Аль хожсон нь Испани Италын хожсонтой хагас шигшээд таарна.
Prediction Netherland 4:1 Russia

Spain(D1) - Italy(C2) (2008.06.23-ны 02 цаг 45мин)
Шөвгийн наймын хамгийн сонирхолтой тоглолт. Испаничууд энэ жил аварга болно гэсэн итгэл дүүрэн байгаа. Тэдэнд хүчтэй төвөөс гадна Torres & Villa гэсэн шилдэг хослол байгаа. Италийн төвийн гол найруулагчид болох Пирло болон Гатуссо нар шар хуудас хэтэрснээс болж энэ тоглолт өнжихөөр болсон нь Испаничуудын төвийн давамгайллыг улам ихэсгэж байна. Тэгээд ч тэдний гол хамгаалагчид болох Канаварро,Матрикс нар бэртэлтэй байгаа нь өнөөх аюулт хослолыг барихад тун хэцүү байх нь мэдээж. Тэдний довтолгоо нь Тонируу хоёр жигүүрээс хаяж хоёр давхараар ноёрхохыг бодно. Энэ нь ч мэдээж. Учир нь Испаничуудад Тониг барих өндөр нуруутай хамгаалагч олдохгүй. Пуёол туршлагаараа л нэг аргалах байх. Гэхдээ түүний нуруу арай л намдах байхдаа. Ер нь бол үнэхээр гоё тоглолт болно. Италичууд хэсэгтээ тааруухан тоглосон боловч тэд нэг ингэхлээрээ л цааш нь баллаад өгдөг. 1994 оны Дэлхийн аваргаар тэд хэсгээсээ бараг л азаар гараад цаашаагаа бужигнуулан шигшээд хүрч байсан. Энэ удаа тэд үүнийгээ давтах боловуу? Энэ хоёрийн хожсоныг нь хүчирхэг улбар шарууд хүлээж байгаа.

Prediction: Spain 3:1 Italy

Euro 2008 тай холбоотой сүүлийн үеийн мэдээнүүд

2008-06-16T23:11:00.000-07:00

Nothing :D

Euro 2008-ийн талаар

2008-06-16T02:39:00.000-07:00

Миний бие нь спортод нэн хорхойтой ажгуу. Тэр дундаа сагс,хөлбөмбөг хоёрт бол бүүр нугасгүй. Яг одоо бол шөнө болгон нойроо хумаслан EURO-2008 ийг алгасалгүй үзэж байна. Би энэ удаагийн тэмцээнд Spain -ийн шигшээг дэмжиж байгаа. Тэдний бүрэлдэхүүн үнэхээр сайн байгаа Тэдэнд томоохон клубуудын түлхүүр тоглогчид олон бий. Үргэлж томоохон тэмцээнийг азгүйтлээр орхидог тэдний хувьд энэ жил тэр хар цувралуудыг давтахгүй биз гэж найдаж байна. Энэ удаагийн тэмцээнд үхлийн хэсэг буюу "С" хэсэг үнэхээр сонирхолтой болж байна. Энэ хэсгийг Голландууд тэргүүлэх нь нэгэнт ойлгомжтой болсон. Тэд Germany-2006 ийн алт мөнгөн медальтнуудыг тун зовлонгүй буулган авч шуугианыг тариад байгаа билээ. Харин энэ хэсгийн хоёроор гарахын толоо Итали,Франц,Румын гэсэн 3 баг ширүүн үзэлцэж байна. Энэ гуравын хэн азтай нь манай Spain тай 1/4 т таарна. Тэгэхлээр миний хувьд Румынчуудыг шалгараасай гэж хүсэж байгаа.

About Coder.mn

2008-06-16T02:25:00.000-07:00

Coder.mn нь USI компаний менежер Очирхуягийн хийсэн бүтээл бөгөөд энэ бүтээл нь Монголын IT ийн хөгжилийг хүүхэд залуус,оюутан сурагчдад таниулахаас гадна тэдний чөлөөт цагийг зөв зарцуулахад үнэтэй хувь нэмэр болж байгаа билээ.